• Горан Упале
Турскиот прволигаш Генчлербирлиги направи необичен потег со отпуштањето на тренерот Волкан Демирел по вторпат во истата сезона. Поранешниот турски репрезентативен голман на тој начин го заврши својот ангажман со клубот на бизарен начин. Првиот мандат на Демирел на клупата траеше од октомври до декември 2025 година, а во шест натпревари тимот не запиша ниту една победа, забележувајќи три нерешени резултати и три порази.
И покрај ова, клубот повторно го ангажираше, но втората епизода исто така заврши неславно. Во девет натпревари под негово водство, тимот забележа само две победи и едно нерешено, со дури шест порази.
Со овој исход, Демирел влезе во историјата на турската Суперлига како прв тренер кој бил отпуштен двапати од ист клуб во една сезона, без дури ни да ја започне сезоната со тимот.
Волкан Демирел влезе во тренерската работа во 2021 година, по многу успешна играчка кариера. Тој бранеше 63 пати за турската репрезентација, а речиси целата своја клупска кариера ја помина меѓу стативите на Фенербахче.
