• Саше Љолес
Доминик Ливаковиќ е на излезните врати во Фенербахче. Ова го потврдуваат неколку турски медиуми и добро упатени извори, кои велат дека Хрватот наскоро ќе го напушти клубот.
За неговите услуги се заинтересирани повеќе европски клубови, но не се исклучува можноста и да замине во Саудиска Арабија. Ливаковиќ доби критики и за последниот настап на мечот против Кајзериспор (3-3), а дел од новинарите беа прилично жестоки во своите објави.
„Фенербахче повеќе не треба да му дава шанса на Ливаковиќ. Избегнувам вакви критики, но неговите грешки се чести и непромислени. Тој повеќе не остава впечаток на сериозен и искусен голман“, напиша новинарот на порталот „Фанатик“.
Ливаковиќ е член на турскиот гигант од 2023 година, а претходно седум години го носеше дресот на Динамо Загреб. За хрватската репрезентација има 64 настапи.
Фото/Foto: Fenerbahcefootball
