• Мартин Танасковски
Фудбалската асоцијација на Англија сериозно ја разгледува можноста да поднесе жалба за црвениот картон што Езри Конса го доби во осминафиналниот натпревар против Мексико на Светското првенство. Дефанзивецот беше исклучен во 54. минута од драматичната победа на Англија со 3-2 на стадионот „Ацтека“ во Мексико Сити, поради што „трите лава“ речиси цело второ полувреме го одиграа со играч помалку.
Доколку казната остане во сила, Конса ќе го пропушти четвртфиналниот натпревар против Норвешка, што претставува сериозен удар за селекторот Томас Тухел. Германскиот стратег не го криеше незадоволството од арбитражата на турнирот и повторно побара поголема доследност во судиските одлуки.
Тухел потсети и на неодамнешната одлука на ФИФА да го поништи црвениот картон на американскиот репрезентативец Фоларин Балогун, случај што предизвика бројни реакции во фудбалската јавност.
Потенцијалното отсуство на Конса дополнително ги зголемува проблемите во одбраната на Англија, бидејќи и Рис Џејмс и Џед Спенс се неизвесни за настап поради повреди. Тоа би можело повторно да го принуди Тухел да импровизира на десната страна од одбранбената линија пред важниот дуел со Норвешка.
