• Саше Љолес

Новиот тренер на гигантот од Минхен, Томас Тухел изјави дека разделбата со неговиот поранешен клуб Челзи не била воопшто пријателска, но дека сега се чувствува како дома во тимот на Баерн.
Германскиот тренер успеа да ја освои Лигата на шампионите со „сините“ од Лондон, но следната сезона доби отказ, а според него, разделбата била сурова.
„Морам да признаам дека доживеав голем шок кога ме отпуштија од Челзи. Разговорот траеше само пет минути и се одвиваше во 8 часот наутро. Сите мислевме дека сме на вистинскиот пат и дека имаме доволно време за да оствариме уште поголеми успеси со тимот.
Сега сум пред нов и свеж предизвик кој потполно ме исполнува. Отсекогаш сакав да ги тренирам овие момци, ова е феноменална екипа која е гладна за успеси секоја сезона. Овде сум како дома, чувствувам дека припаѓам во овој тим“, изјави Тухел.
Thomas #Tuchel on the chance of a treble: "When you come to Bayern and you're only one point behind the top of the table and you're in the quarter-finals of the Champions League, then you want to play for every title." #FCBBVB pic.twitter.com/O3hnctaqlE
— FC Bayern English & Germany National team (@FCBayernGER) March 31, 2023
Германските новинари го прашаа Тухел и за евентуалното осојување на „триплета“ со баварскиот гигант, а тој даде сосема искрен одговор:
„Кога доаѓате во толку голем тим како Баерн и сте во четвртфиналето на Лигата на шампионите, секако дека сакате да се борите за трите трофеи. Имаме шанси во сите натпреварувања и сонуваме да се закитиме со престижната „триплета“, заклучил Томас Тухел.
Екипата на Баерн Минхен најпрво ја очекува големото дерби на Бундеслигата со Борусија Дортмунд, а потоа ќе игра двомеч во Лигата на шампионите против Манчестер Сити. Овие дуели се очекува да бидат спектакуларни и се од огромна важност за Баварците.
„Милионерите“ од Дортмунд се лидери на табелата и имаат еден бод предност пред Баерн во Бундеслигата, а за важноста на натпреварот против Манчестер Сити веројатно не треба ни премногу да се зборува.