Тричковски пак погоди за АЕК и го презеде врвот во листата на стрелците во Кипар

Поранешниот македонски репрезентативец Иван Тричковски продолжува да тресе мрежи во Кипар, откако вечерва стрелаше во ремито на неговиот АЕК Ларнака на гости кај Паеек (2-2).

Искусниот напаѓач оваа сезона игра во одлична форма во кипарскиот шампионат, а тоа го потврди и на вечерашниот натпревар, откако во 90. минута беше сигурен реализатор од белата точка, за водство на својата екипа од 1-2.

Но, АЕК на крај не се радуваше на победата, затоа што во 98. минута Капартис исто така од удар од единаесет метри погоди за конечни 2-2 и поделба на подовите.

34-годишниот Тричковски на тринаесет натпревари оваа сезона постигна девет гола и е прв стрелец на АЕК Ларнака, но и во кипарскиот шампионат.