• Иван Димовски
Македонскиот репрезентативец Димитар Митровски го постигна третиот сезонски погодок во Хрватската прва лига.
Крилниот фудбалер го отвори резултатот на средбата меѓу неговиот Вараждин и Горица пред домашната публика. Митровски добро следеше акција по левата страна, се уфрли од десната и налета на одложена топка од Мамиќ претворајќи ја во гол за 1-0.
За Митровски ова е трет погодок во сезоната за Вараждин, откако претходно стрела против Локомотива и Хајдук.
