• Саше Љолес
Сензација или не, тимот на Пафос од Кипар го совлада шпанскиот Виљареал со 1-0 и го запиша својот прв историски триумф во групната фаза на Лигата на шампиони.
Во атмосфера полна со еуфорија на стадионот „Пафос Арена“, кипарскиот првак одигра тактички совршен натпревар и со гол во второто полувреме ги освои првите три бода во најелитното европско натпреварување.
По мечот и големата победа, тренерот Хуан Карлос Карседо не го криеше задоволството:
„Бевме свесни дека ако го преживееме прваото полувреме без да примиме гол, ќе имаме свои шанси. Против ваков противник мораш да бидеш солиден, дисциплиниран и трпелив.
Се браневме добро, создадовме шанси од контри и ја искористивме својата можност. Ова е момент кој долго ќе се памети,“ изјави Карседо по натпреварот.
Овој резултат влезе во историјата на кипарскиот фудбал. Пафос стана првиот клуб од оваа земја што постигнал победа во групна фаза на Лигата на шампиони по речиси една деценија.
Со оваа победа, навивачите на Пафос ги зголемуваат своите амбиции. Дел од нив веќе зборуваат и за пласман во осминафиналето - нешто што пред почетокот на сезоната изгледаше како потполно невозможна мисија.
