• Саше Љолес
Тренерот на Џирона, Мичел, бил итно пренесен во болница поради влошена здравствена состојба, јавија шпанските медиуми.
Предводникот на тимот во кој настапува нашиот Бојан Миовски е надвор од животна опасност, но лекарскиот тим го држи под постојан надзор и се труди да ја стабилизира неговата ситуација.
„Тренерот Мичел има соодветна медицинска грижа и неговата состојба е стабилна. Нема простор за паника и за вознемиреност, но не смееме да соопштиме повеќе детали“, изјавија докторите од болницата во Џирона.
Сигурно е дека Мичел нема да го води тимот на следниот натпревар против Виљареал, а неговите обврски ќе ги преземе помошникот Салва Фуњез. Џирона во моментов има 38 бода и уште го нема математички обезбедено опстанокот во Примера.
