• Иван Димовски
Хибернијан со предност од 2-1 ќе влезе во реваншот со Шкендија во третото квалификациско коло за Конференциската лига, а тренерот Дејвид Греј верува дека неговите фудбалери се подготвени за предизвикот во Скопје.
Шкотскиот тим пристигна во Македонија во средата и одработи тренинг на Националната арена „Тодор Проески“.
„Во овој момент играчите треба да се чувствуваат добро и да имаат самодоверба. Имавме навистина добар почеток на сезоната, со две европски победи, но ова е само полувреме и сè уште нè очекува голема работа за да стигнеме до следната рунда. Предноста од 2-1 е позитивна, но нема да седиме назад и да чекаме само да ја браниме. Ако излезете со таков пристап, во моментот кога работите нема да одат во ваша корист или ќе се најдете на задната нога, сте пропуштиле можност. Очекувам Шкендија да започне поагресивно бидејќи игра на домашен терен, но ние мора да бидеме подготвени за тоа. Нема да седиме и да се надеваме дека само ќе ја задржиме предноста, туку мора повторно да ја нападнеме Шкендија“, изјави Греј.
Средбата меѓу Шкендија и Хибернијан се игра на Националната арена „Тодор Проески“ во терминот од 20:00 часот.
