• Саше Љолес
Фудбалскиот трансфер пазар би наскоро можел да добие уште еден трансфер вреден повеќе од 100 милиони евра. Според најавите, Јан Диоманде е блиску до трансфер од РБ Лајпциг во Реал Мадрид, со што би станал 22. фудбалер за кој е платена деветцифрена сума.
Првиот ваков трансфер беше реализиран во 2013 година, кога Реал Мадрид плати 101 милион евра за Герет Бејл, а рекордот и натаму го држи Нејмар, кого ПСЖ го купи од Барселона за 222 милиони евра во 2017 година. Најмногу трансфери над 100 милиони евра има Челзи, кој ангажираше петмина играчи за вакви суми, додека клубовите од Премиер лигата учествувале во 11 од досегашните 21 ваков трансфер.
Кога станува збор за заработката од продажби, на врвот е Астон Вила, која инкасираше 255,5 милиони евра од трансферите на Џек Грилиш и Морган Роџерс, пред Њукасл Јунајтед и португалската Бенфика. Нејмар останува играчот за кого низ кариерата се издвоени најмногу пари - речиси 400 милиони евра, пред Ромелу Лукаку и Кристијано Роналдо. Доколку трансферот на Диоманде биде реализиран, елитниот „клуб од 100 милиони“ ќе добие нов член. Фудбалските експерти, но и навивачите ширум светот, сметаат дека овие суми се навистина огромни и астрономски, потенцирајќи дека многу често големите трансфери знаат да завршат со целосен неуспех, односно клубовите ги продаваат овие играчи по само една или две сезони.
Прочитајте повеќе околу трансферите во Македонија и во светот на ОВОЈ линк.
