• Сашо Поповски
Сезоната на фудбалерите на Ајакс беше збогатена со триумф во Купот на Холандија. Во големото финале во Ротердам тие го надиграа Вилем 2 со 4-0 (2-0).
Херој на мечот беше Клас Јан Хунтелар кој постигна два гола. Особено одушеви со првиот кој беше резултат на фантастична акција на неговите соиграчи кои му овозможија лесна завршница во 39. минута.
„Копјаниците“ приредија вистинско шоу и со перфектен пример на тоа што значи тотален фудбал го докрајчија противникот уште во првиот дел.
- Погледнете го погодокот на Хунтелар:
Пред фудбалерите на Ерик Тен Хаг сега стои предизвикот во полуфиналето на Лигата на шампионите, во кое имаат минимална предност од првиот меч на гости кај Тотенхем.
