• Александар Ковачев
Раководните луѓе на Работнички успеаја да доведат уште едно засилување за продолжението на сезоната, откако се договорија со тетовска Шкендија за позајмување на Благоја Тодоровски.
33-годишниот десен бек во тимот на „романтичарите“ ќе остане до 15 јануари 2019 година, кога и завршува договорената позајмица. Тодоровски нема да има проблем со аклиматизација во тимот од Дебар мaало, бидејќи и во минатото го носеше дресот на Работнички.
Работнички по стартниот неуспех во ПМФЛ нанижа три победи и моментално се наоѓа на лидерската позиција, а во наредното коло на 16 септември ќе игра токму против тимот на Шкендија.
