• Зоран Мишевски
Се сеќавате ли на поранешниот бразилски селектор Тите?
Фламенго вчера го отпушти токму тренерот Тите од позицијата шеф на стручниот штаб, иако имаше договор до крајот на годината. Должноста на негово место до крајот на годината ќе ја извршува поранешниот дефанзивец на Атлетико Мадрид, Филипе Луис, кој досега беше тренер на една од младинските екипи на Фламенго.
Тите доби отказ ден по победата од 1-0 против Атлетико Паранаенсе, но откако беше исвиркан од навивачите.
Фламенго в среда ќе игра против Коринтијанс во полуфиналето на Купот на Бразил и тоа е последната шанса на клубот да освои трофеј оваа година.
