Пелистер

Екипата на Пелистер ја запиша посакуваната победа во дербито за опстанок од 31. коло со Академија Пандев и сега и официјално обезбеди прволигашки статус и следната сезона. Во Битола, избраниците на Димитар Капинковски повторно покажаа квалитет и карактер, затоа што, иако имаа негатива од 0-1, на крај успеаја да направат пресврт и да освојат големи три бода (3-1). Човек на одлука на битолчани беше фантастичниот напаѓач Гудиаби, кој учествуваше во сите три гола на својот тим (две асистенции и еден гол), но фантастичен настап имаше и голманот Давор Талески, кој во финишот од првиот дел му одбрани пенал на Радески. 

Битолски Пелистер скоро и да го има осигурано опстанокот во Првата македонска фудбалска лига (ПМФЛ), но до крајот на сезоната нема да може да смета на главниот играч во средниот ред, Благоја Спиркоски.

Екипите на Академија Пандев и Пелистер влегуваат во последната фаза од битката за опстанок во Првата македонска фудбалска лига, а токму нивната утрешна средба може многу да промени на прволигашката табела.

Фудбалерите на Македонија Ѓорче Петров ставија крај на мини-кризата во Првата македонска фудбалска лига и во еден од најважните натпревари оваа сезона извојуваа сигурна победа над Пелистер, со резултат од 3-0 (1-0).

Македонија Ѓорче Петров шокантно загуби од Струга Трим Љум со два гола во финишот (2-3), а „сметката“ за тоа ја плати тренерот Жикица Тасевски, кој си поднесе неотповиклива оставка. „Лавовите“ експресно назначија нов тренер, па тимот ќе треба да покаже шок-терапија од изминатиот викенд.

За разлика од зимската полусезона, во пролетната, на македонските фудбалски терени како да гледаме друг Пелистер, кој од претпоследната позиција на табелата се искачи на сигурното шесто место и е пред обезбедување на опстанок во прволигашкото друштво. 

Минатата пролет Пелистер и Беласица беа промовирани во прволигаши по прекинатите шампионати на двете второлигашки категории. Ако струмичани дебело заостанаа зад останатите екипи, Пелистер го обелои образот и остана во лигата еден месец пред крајот на натпреварувањето.

Во еден од најубавите натпревари сезонава во Првата фудбалска лига, Пелистер го совлада одличниот тим на Ренова и скоро да го обезбеди опстанокот на четири кола до крајот. Лошата реализација на „гипсарите“ и спората одбрана против брзите домашни напаѓачи беше клуч на победата на битолчани.

Екипата на Пелистер прокнижи големи три бода во денешниот дуел против Ренова и е сè подалеку од опасната зона за испаѓање во Првата македонска фудбалска лига.