Исланд У21

На стадионот „Лаугардалсволур“ во Рејкјавик репрезентацијата на Украина и направи голема услуга на Македонија и успеа да слави на гости против Исланд (2-4). Токму овој кикс значи дека нашите млади репрезентативци обезбедија историски пласман на ЕП, кое наредната година ќе се одржи во Полска. Фудбалерите на Благоја Милевски го остварија зацртаното и ги запишаа своите имиња како први, кои ќе ја претставуваат нашата држава на едно големо фудбалско натпреварување.

Репрезентацијата на Франција ни направи голема услуга и го совлада Исланд со 2-0 (1-0) во последниот натпревар од третата група од квалификациите за Европското првенство за млади фудбалери. 

Селекторот на најдобрата фудбалска репрезентација Игор Ангеловски, техничкиот директор Саша Ќириќ, некои од фудбалерите, како и повредениот Ферхан Хасани се појавија во свечената ложа да ја бодрат младата репрезентација.

Селекторот на македонската млада фудбалска репрезентација по ремито со Исланд искажа незадоволство од резултатот, но истакна дека е задоволен од односот на репрезенативците.

Во првиот натпревар во 2016 година од квалификациите за пласман на младинскиот европски шампионат, Македонија и Исланд играа без голови 0-0 на стадионот во комплексот на „Куќата на фудбалот“ во Скопје.

Фудбалерите на младата репрезентација на Македонија која својот собир го имаше вчера во рамки на продолжението од квалификациите за пласман на Европското првенство, покрај стандардните професионални фудбалски обврски, предпладнево одвоија време и за дружба со своите најверни навивачи и поддржувачи. Бабунски, Николов, Велковски, Барди и Ангелов ги посетија ОУ „Кирил Пејчиновиќ“ во Кисела Вода и ОУ „Александар Македонски“ во Аеродром, каде што имаа прилика да се запознаат и да се дружат со најмалите и најискерени навивачи и љубители на фудбалот.

Репрезентацијата на Македонија за фудбалери до 21 година втор ден ги продолжува подготовките за престојните два квалификациски натпревари против Исланд во Скопје и против Франција во Ле Ман. Благоја Милевски од денес го има и Суад Сахити, кој го прифати повикот да игра за нашата млада репрезентација и се приклучи на тренинзите. Денешната прва сесија на теренот на „Куќата на фудбалот“, а потоа следува и првото скенирање на Исланд, кој в среда доаѓа во Скопје, а мечот со нашата репрезентациа ќе го одигра в четврток од 14.00 часот. Во првиот натпревар на двете репрезентации, Исланд славеше со 3-0.

Фудбалерот на Работнички Суад Сахити го доби македонскиот пасош и  прифати повикот за нашата младинска репрезентација. Селекторот на младата репрезентација Благоја Милевски ќе го има на располагање од утре во подготовките за мечевите со Исланд и Франција.