Романија

Фудбалскиот натпревар во рамките на групата И во квалификациите за Европското првенство меѓу Романија и Косово беше прекинат. За време на првото полувреме, при резултат 0-0 домашните навивачи со политички пароли и извици предизвикаа прекин. 

Фудбалерите на Босна и Херцеговина минимално славеа против Романија (1-0), во дуел од второто коло на Б конкуренцијата во Лигата на нациите. Натпреварот на „Билино Поле“ во Зеница доцнеше поради силно невреме и не започна со останатите во терминот од 20:45 часот. Сепак, се одигра и домашната селекција запиша три бода. 

Фудбалската селекција на Романија ја забележа посакуваната победа на гости во Вадиц, но откако доби лоши вести од Скопје, остана без пласман во баражот за следното Светско првенство во Катар.

Фудбалерите на Исланд ѝ направија услуга на Македонија и одиграа реми без голови во Букурешт против Романија (0-0), во пресметката од претпоследното коло во квалификациите за Светското првенство. Сега, Македонија сама ќе одлучува за својата судбина, бидејќи ја презеде втората позиција во групата, па со победа в недела против Исланд во Скопје ќе игра бараж за Мундијалот во Катар. 

Фудбалската селекција на Германија забележа нова победа во мундијалските квалификации, откако потешко од очекуваното, преку пресврт со 2-1 (0-1) славеше над незгодната Романија.

Германците мора да победат на овој натпревар. Да, да, знаеме - „панцерите“ во моментов се во фаза на гасеница која се претвора во пеперутка. Тие се чувствителни, збунети се, по „зилион“ години имаат нов селектор (Ханси-Дитер Флик), а со оној што ги водеше „векови“ (Јоаким Лев беше на клупата од јули 2006 година), не можеа да се пофалат со резултатите во последно време, па беа елиминирани во осминафиналето од Англичаните на ЕП. Исто така, нам ни е јасно дека тие загубија во овие квалификации од Македонија во март, и тоа дома. И да бидеме реални, Романија не е послаба од Македонија. Сепак, тоа не го менува нашиот став - сè освен кец ќе биде огромно изненадување.

Македонија одново може да жали што не победи на дуелот со Романија. Избраниците на Благоја Милевски беа подобар ривал во поголемиот дел од натпреварот, но на крај не запишаа три бода и нова победа во квалификациите за Светското првенство.

Македонија имаше солидна поддршка на дуелот со Романија, а таму беше и поранешниот селектор Игор Ангеловски.

Нов натпревар, ново реми за Македонија под водство на Благоја Милевски. По нерешените со Ерменија (0-0) и Исланд (2-2) нашиот национален тим одигра реми и со Романците на домашен терен (0-0) и направи чекор назад во борбата за бараж за СП 2022.