Лапи

По елиминациите на Силекс и Струга Трим Љум, фудбалскиот клуб Шкупи е единствениот македонски претставник кој го преживеа првото коло од квалификациите за Конференциската лига и заедно со Шкендија, која по двата порази од Мура заврши со Лигата на шампионите, ги продолжуваат настапите во новото натпреварување на УЕФА. На вечерашниот реванш во Косово против Лапи, Шкупи не дозволи изненадување (1-1) и благодарение на домашните 2-0, патува во второто квалификациско коло, во кое го чека тежок двомеч со Санта Клара од Португалија. Македонскиот шампион, Шкендија, во оваа фаза ќе се судри со тимот на Рига.

Шкупи ќе се обиде да ја продолжи европската сезона и ќе му гостува на Лапи, во реваншот од првото квалификациско коло за Конференциската лига на УЕФА.

Македонскиот вицепрвак Шкупи со победа над Лапи (2-0) ги стартуваше настапите во Конференциската лига на УЕФА, па по овој резултат и понатаму важи за фаворит за пласман во наредната фаза од новоформираното натпреварување на УЕФА. Чаирчани си ја завршија задачата според планот и во Косово патуваат со два гола позитива. Тимот на Гоце Седлоски кој е релативно нов изгледаше далеку подобро на терен од пријателските натпревари, но вреди да се напомене дека Лапи имаше неколку добри шанси да казни и непоразен да си оди од Скопје, ама, за среќа на Шкупи, тоа не се случи и пристигна казната. За Шкупи ова беше прва европска победа откако се води под ова име, по дуелите со Ренџерс, Пјуник и Нефчи. Реваншот меѓу Лапи и Шкупи во Косово ќе се игра на 15 јуни, а победникот од овој двомеч ќе се соочи со португалска Санта Клара.

Екипата на Лапи дојде во Скопје како аутсајдер на хартија и не успеа да го изненади Шкупи (0-2). По натпреварот, тренерот на косовскиот тим, Таир Бататина, ги сподели импресиите од мечот и истакна дека неговиот тим загубил наивно.

Македонскиот фудбалер Кире Маркоски му донесе предност на Шкупи (1-0) во натпреварот против Лапи кој се игра во Конференциската лига на УЕФА.

Шкупи заедно со Шкендија беше најдобриот тим во македонскиот фудбал за изминатата сезона и заслужено заврши на вицешампионското место кое му донесе нова година по ред европски фудбал и, овој пат, место во новоформираната лига на УЕФА, Конференциската лига.