Фудбалерите на Јувентус вторпат оваа сезона во Серија А му нанесоа пораз на Интер, овојпат на „Џузепе Меаца“ со 0-1 (0-1). Дуелот од 27. коло на шампионатот на Италија го одлучи единствениот погодок на Филип Костиќ во првото полувреме, кој предизвика контроверзии. Интер беше подобар на теренот, повеќе се закануваше и кружеше околу противничката зона, ама не успеа да дојде до погодок. Одново се покажа дека овој Јувентус е зрел, па по постигнат погодок успеа да ги одбие сите противнички налети со перфектна игра во дефанзивата.