Келн

Баерн Минхен победи на домашниот дуел против Келн со 5-1 (2-0), во рамките на 23. коло од Бундеслигата. Екипата на Флик се врати на победите во Германија по ремито со Арминија и поразот од Ајнтрахт, па со „петарда“ ги почести „овните“ од Келн. 

Келн ја изненади Борусија Менхенгладбах и победи на гостински терен со 1-2 (1-1), во пресметката од 20. коло на Бундеслигата. Елвис Реџбечај беше херој на гостите бидејќи даде два голови на гостувањето на „Борусија Парк“, со кои го реши фаворизираниот ривал.

Шалке 04 им се врати на старите навики и загуби на домашен терен од дирекниот ривал за опстанок Келн (1-2) во 17. коло од Бундеслигата. 

Келн не успеа да го „скрши мразот“ во новата сезона од Бундеслигата и ќе продолжи да ја чека првата победа . Денес „јарците“ ремизираа кај Вердер Бремен (1-1), иако беа во одлична позиција за позитивен резултат.

Екипата на Келн му одзеде планирани два бода на фаворитот Ајнтрахт Франкфурт, откако одигра реми од 1-1 (0-1) на домашен терен во пресметката од четвртото коло на Бундеслигата. Гостинот поведе преку Андре Силва од пенал, ама Дуда израмни по паузата и Келн издржа до крајот без да прими гол. 

Иако делуваше невозможно и не зависеше сам од себе, некогашниот првак на Германија, Вердер од Бремен се спаси од директно испаѓање од Бундеслигата и за сметка на клубот од северна Германија, во бараж двомеч за пополнување на елитата во сезоната 2020/21 ќе игра веројатно со ривалот Хамбургер. Благодарение на Унион Берлин, „зелените“ се спасија од пад во ранг подолу, а заедно со Падерборн, во втората Бундеслига ќе игра и Фортуна Дизелдорф.

РБ Лајпциг по неочекуваниот кикс со Херта Берлин се врати на победнички патеки и со сигурна победа кај Келн (2-4) повторно е во игра за едно од местата кои водат во Лигата на шампионите.

Екипата на Хофенхајм лесно се справи со Келн и со 3-1 ги освои бодовите од домашниот дуел во рамките на 28. коло на Бундеслигата. Домаќинот од „ПреЗеро Арена“ поведе рано, па остана и со човек повеќе на теренот и во вториот дел само ја потврди победата. Келн намали, но подоцна промаши пенал, кој можеше да даде поинаков исход.

Келн и Мајнц го отворија денот во Бундеслигата, натпреварот заврши без победник (2-2), а домаќините направија уникатен потег за фудбалерите да не се чувствуваат чудно на терен.