• Зоран Мишевски
Париз Сен Жермен се изнаосвојува сите можни трофеи откако пред 15 години дојде во сопственост на катарските сопственици, но најмногу пехари во споменатиот период освои токму во Суперкупот на Франција. Од претходните тринаесет Суперкупа, на Парижаните им припаднаа дури дванаесет, а единствено успеа на листата да се вмеша Лил во 2021 година. Затоа е јасно дека ПСЖ овој пехар, иако најмалку вреден во сезоната, го напаѓа подеднакво силно како и останатите.
Оваа година работата би можела да биде потешка од вообичаено од едноставна причина што натпреварот од Суперкупот нема да се игра, како што е вообичаено, на неутрален терен, туку пред навивачите на Ленс, веројатно најжестоките поддржувачи на некој клуб во Франција. Крваво-златните првпат од 1998 година ќе бидат дел од овој натпревар, а тогаш во својот единствен натпревар од Суперкупот во досегашната историја беа поразени минимално (0-1) токму од Париз Сен Жермен.
Ленс правото да игра на овој натпревар го стекна затоа што во претходната сезона го освои Купот на Франција, што за овој клуб беше прв трофеј по 27 години и освојувањето на Лига купот на Франција во 1999 година. Затоа за навивачите на стадионот Болер Делели голема работа би било подигнувањето на вториот пехар во период од само неколку месеци. Претходно во мајското финале на Купот на Франција ја совлада Ница со 3-1.
Не само што Ленс во изминатата година го освои Купот, туку и во домашното првенство го освои второто место, со шест бода помалку од неприкосновениот Париз Сен Жермен. Жолто-црвените во голем дел од сезоната беа дури и први на табелата, но на сите им беше јасно дека нема да издржат до крај и Светците во финишот на сезоната додадоа гас и го зграпчија новиот пехар кој практично им е предодреден на почетокот на секоја сезона.
Од друга страна, Париз Сен Жермен веќе почна да ги собира плодовите од сјајната претходна сезона, бидејќи во средата триумфираше над Астон Вила (2-1) во натпреварот од Суперкупот на Европа во Салцбург. Головите на Хвича Кварачелија и Дезире Дуе беа доволни тимот на Луис Енрике веќе да има на своето конто еден пехар во сезоната, а сега би можел и до втор во период од само 96 часа.
Секако, покрај првите натпревари во сезоната, на двојните последователни шампиони на Европа во фокусот им се и случувањата во летниот преоден рок. Засега Париз Сен Жермен ги официјализираше доаѓањата на Магнес Аклиуш од Монако за 50.000.000 евра, Лукас Дињ од Астон Вила за седум милиони евра и младиот Тунижанец Калил Ајари од Стад Тунизиен за 1,5 милион евра. Само е прашање на ден кога ќе биде официјализиран и Феран Торес од Барселона, кој пристигнува за 50 милиони евра фиксно + 5 милиони потенцијални бонуси.
