• Горан Упале
Искусниот Луис Суарез синоќа во солзи се прости од дресот на бразилски Гремио. Имено, уругвајскиот голгетер заминува во Интер Мајами каде ќе започне нови предизвици, а синоќа на најдобар можен начин се прости од Гремио. Тој го постигна единствениот гол во победата над Васко де Гама, а од трибините доби овации.
Тоа беше посебен момент и тој не можеше да ги задржи солзите. Неговото семејство на крајот се спушти на теренот и емоциите беа на високо ниво. Гремио му посвети и специјално видео кое секој можеше да го погледне.
„Напишавте прекрасно поглавје во нашата историја. Каде и да сте, засекогаш ќе бидете бесмртни“, напиша Гремио.
GRACIAS, @LuisSuarez9 Um capítulo lindo de nossa história foi escrito por ti. O 4º maior artilheiro em atividade do mundo deixou a sua marca 27 vezes com nosso manto. Onde estiver, serás para sempre IMORTAL! pic.twitter.com/gtcy7aLshE
— Grêmio FBPA (@Gremio) December 4, 2023
На 52 натпревари за Гремио, Суарез постигна 27 гола, ги оправда очекувањата, но не можеше да ја одбие поканата од САД. Таму го очекуваат соиграчите од Барселона, Меси, Бускетс и Алба. Уругвајската легенда ќе потпише едногодишен договор со Интер со опција за продолжување на договорот за 2025 година.
Суарез во досегашната кариера играше за четири европски гиганти (Ајакс, Ливерпул, Барселона и Атлетико Мадрид), но никаде не доживеа сцени како синоќа во Бразил.
