• Мартин Танасковски
Македонскиот репрезентативец Бојан Миовски беше стартер за Џирона во ремито против Валенсија (1-1) во последниот дуел од Примера во саботната програма.
Македонскиот играч имаше удел на теренот и креираше можности, но немаше завршница. По првиот дел без голови, Валенсија поведе со погодокот на Лопез во 58. минута и тоа беше знак за домашниот тренер да менува.
Que golazo de Christian Stuani para el empate de Girona ante Valencia en LaLiga.pic.twitter.com/ChsiAEFMI3
— Mística Uruguaya (@Misticauruguaya) March 15, 2025
Го извади од игра Бојан Миовски во 59. минута, го внесе Стуани, а токму тој му возврати со голчиште со глава во 64. минута по асистенција на Гутиерез. Тоа беше и конечниот резултат. Столе Димитриевски остана на клупата на Валенсија.
Џирона е на 11-тото место во Примера со три нерешени во серија, додека Валенсија се наоѓа на шеснаесеттото место.
