• Иван Димовски
Струга Трим Лум промовира уште едно ново засилување за новата сезона во ПМФЛ која веќе започна.
Нов член на двократниот македонски првак е Кендрим Исмајли. Станува збор за 27-годишен лев бек кој доаѓа од редовите на Теута од Албанија. Тој може да покрие повеќе позиции на теренот и ќе понуди доста за тимот предводен од Бледи Шкемби.
Во својата кариера Исмајли настапуваше за Ѓилан во Косово, како и за Тирана и Фљамуртари во Албанија. Предизвикот во Струга ќе му биде прв во мак-фудбалот.
Претходно Струга го засили тимот со Ландрит Рама, Андреј Јовчевски, Егзон Белица, Амир Нухија, Блерон Рамадани и Хамонд Агамах.
Прочитајте повеќе околу трансферите во Македонија и во светот на ОВОЈ линк.
