• Саше Љолес
Големите градски дербија меѓу Евертон и Ливерпул секогаш носеле многу тензија, агресивна игра и желба за победа, а истото се потврди и на последниот дуел, на кој проследивме физичка пресметка меѓу Абдулаје Дукуре и Куртис Џонс.
Двајцата се степаа веднаш по завршувањето на мечот, по што притрчаа и други играчи кои направија дополнителна мешаница, па затоа главниот судија Мајкл Оливер мораше да реагира со два црвени картони.
Curtis Jones and Doucoure from the stands.#LFC #EFC pic.twitter.com/ahVv9gXeVq
— lfceydo (@eydoo_) February 12, 2025
За среќа, ситуација не ескалираше дополнително и потоа страстите се смирија, а Ливерпул мораше да се помири со реми, иако имаше водство скоро до последната секунда од натпреварот.
Во брза акција влетаа стјуардите и дел од полициските службеници, а сериозна расправија со судијата имаше и тренерот на „црвените“, Арне Слот.
