• Зоран Мишевски
Рајо Ваљекано на Столе Димитриевски влезе во негативна серија во шпанскиот фудбалски шампионат. Клубот од мадридското признание, кој собра многу симпатии, убедливо загуби на гостувањето во Андалузија од новиот член на елитната категорија, Алмерија со 3-1 (2-0). Македонскиот голман неочекувано натпреварот го одгледа од клупата, а шанса доби ветеранот Диего Лопез.
Домаќините мака мачеа со офанзивната по продажбата на Умар Садик во Реал Сосиедад, но „експлодираа“ попладнево и трипати ја тресеа мрежата на Лопез. По само седумнаесет минути игра веќе беше 2-0 за Алмерија, откако Ембарба подготви два гола за своите најдобри соиграчи Робертоне и Бабиќ. Победникот беше решен пред крајот на првиот дел кога, по акцијата на Мелеро, гол за 3-0 постигна Туре.
Темпото драстично опадна во вториот дел, па домаќините не ризикуваа премногу. Катена на девет минути до крајот ефектно погоди и ги постави финалните 3-1. Фернандо Мартинез имаше многу среќа, бидејќи Бебе во последната акција ја погоди пречката. Најдобриот домашен фудбалер Ембарба беше исклучен во судиското надополнување, заради два жолти картони.
- Алмерија - Рајо Ваљекано 3-1:
Со овие три бода Алмерија скокна на четиринаесеттото место со седум бода, а Рајо остана на десеттото место со десет освоени бода.
- Осасуна - Валенсија 1-2:
Синоќа во Памплона, Валенсија на Рино Гатузо како гостин ја совлада Осасуна со 1-2. Клајверт и Дијакаби ги постигнаа головите за „лилјаците“, а Дарко Брашанац погоди за домаќините.
