• Саше Љолес
Познати се уште два полуфиналисти на Купот на Кралот, кои заедно со Барселона, в понеделник ќе ја чекаат ждрепката за полуфиналето. Македонија остана без свои претставник, откако вечерва Валенсија на Столе Димитриевски несреќно е елиминирана.
Екипата на Валенсија доживеа болен пораз од Атлетик Билбао (1-2) во натпреварот од четвртфиналето на Купот на Кралот. Гостите од Баскија дојдоа до триумфот со голот на Ињаки Вилијамс во 96. минута. Постариот брат убаво го дочека волејот со десната нога, по центаршутот на помладиот брат Нико.
- Валенсија - Атлетик Билбао 1-2:
„Лилјаците“ долго беа во егал-ситуација, нашиот Димитриевски одбрани и удар од белата точка во 75. минута по ударот на Хаурегизар, но на крајот остана со празни раце и без пласман меѓу четирите најдобри екипи. Домашниот напаѓач Умар Садик си постигна автогол во 26. минута, а потоа истиот фудбалер израмни на 1-1.
- Одбранетиот пенал на Столе Димитриевски по ударот на Хаурегизар:
Y parece que de penaltis parados va la cosa...
¡¡Dimitrievski le para uno a Jauregizar en Mestalla!!
@valenciacf | 1-1 | @AthleticClub | 75’#CopaDelReyMapfre | #LaCopaMola pic.twitter.com/omgWAuEGqF
— RFEF (@rfef) February 4, 2026
Атлетик Билбао патува во полуфиналето, каде место обезбеди и Реал Сосиедад, кој славеше со 2-3 на гостувањето кај Алавес. Ојарзабал, Гуедеш и Оскарсон ги постигнаа головите за гостите од Сан Себастијан, а Ребах и Тони Мартинез од пенал беа стрелци за тимот од Виторија.
- Алавес - Реал Сосиедад 2-3:
Последниот четвртфинален натпревар утревечер ќе го иодиграат Бетис и Атлетико Мадрид.
