• Мартин Танасковски
По заминувањето на Ѓорѓи Гулиашвили, кој ја продолжи кариерата во шпанскиот Расинг Сантандер, во редовите на Сараево се отвори важно прашање, тоа е кој ќе ја преземе капитенската лента на „бордо“ тимот.
Грузискиот фудбалер до неодамна беше лидер на теренот и во соблекувалната, а неговиот трансфер остави празнина што сега клубот мора внимателно да ја пополни. Досегашен заменик-капитен беше Амар Бегановиќ, кој логично се наметнува како прв избор за преземање на одговорноста.
Сепак, според информации блиски до клубот, не е исклучено стручниот штаб да се одлучи за поинакво решение и капитенската лента да заврши кај некој друг фудбалер со силен авторитет во тимот. Меѓу најсериозните кандидати се споменуваат Стефан Ристовски, кој зад себе има богато меѓународно искуство, Гојко Цимирот, како и дефанзивецот Ренато Гојковиќ.
Посебно внимание привлекува и името на Адем Љајиќ, фудбалер со исклучително респектабилна кариера.
