• Саше Љолес
Стефан Ристовски прераснува во вистинска легенда на Динамо Загреб. Македонскиот фудбалер на мечот против Горица во четвртото коло од хрватското првенство го запиша 150. настап за „модрите“ и влезе во славното друштво на овој клуб.
Популарниот „Рики“ игра во одлична форма, а воедно ја носеше и капитенската лента, па навивачите на Динамо решија да го поздрават со громогласен аплауз и се надеваат дека уште долго ќе биде дел од славниот хрватски гигант.
Ристовски пристигна во Динамо пред три години од редовите на Спортинг Лисабон, а досега успеа да освои многу трофеи и забележа безброј успешни настапи во дресот на хрватскиот клуб.
По повод голеиот јубилеј, Ристовски доби дрес со бројкат 150, а истиот му беше врачен од легендата на Динамо и екс-репрезентативец на Македонија, Аријан Адеми.
