• Мартин Танасковски
Ако овој натпревар се играше пред еден месец, ќе ви кажевме да очекувате неатрактивен фудбал со малку голови и без многу убавина во играта, но во меѓувреме работите значително се променија. Тоа пред сè се однесува на Јувентус, кој го крена нивото на игра, ритамот и ефикасноста, па изминативе недели беше вистинско уживање да се гледа составот на Лучијано Спалети. Кулминацијата беше достигната минатиот викенд во Парма, кога резултатот беше 4-1 за гостите, а можеше да биде и многу поубедлив.
Со ефикасноста изненади и Лацио во возбудливата победа над Џенова со 3-2, но составот на Маурицио Сари воопшто не влева доверба со својата игра, па не гледаме начин на кој ќе избегне капитулација во Торино.
Јувентус со години се мачеше со создавање игра, што се одразуваше и на скромната ефикасност, но 2026 година донесе крајно изненадувачки пресврт. На првите шест првенствени натпревари во јануари Старата дама постигна 17 голови, од кои најмногу даде препородениот Џонатан Дејвид (пет погодоци). Сепак, клучно е тоа што екипата почна тимски да напаѓа и да се заканува од сите позиции. Не се знае дали Јувентус е поопасен по земја или во скок.
Основната причина за ваквиот напредок во играта со глава лежи во фактот што во тимот целосно се врати Глеисон Бремер, кој го немаше во октомври и ноември поради повреди, а во Парма постигна два гола. Бразилецот ја зацврсти и последната линија на тимот, па целата екипа игра со многу поголема самодоверба.
Иако Римјаните ќе се обидат да го спуштат ритамот и да ја стават топката под контрола, веруваме дека нема да успеат да му одолеат на тимот на Јувентус. Кецот е примарен тип, а може да се комбинира и со од 2-4 голови.
