• Горан Упале
Екипата на Вардар го забележа првиот пораз сезонава во Првата македонска фудбалска лига. Среде Скопје беше надигран и поразен од шампионот Шкендија со 0-1 и со тоа битката за титулата дополнително се вжешти, затоа што тетовци сега се доближија на само еден бод до најтрофејниот.
Но, по судискиот свиреж се вжештија и страстите на теренот. Откако главниот судија досуди крај, двајца фудбалери на Шкендија прославија свртени кон „Комитите“, а тоа беше доволен повод неколкумина фанови на Вардар да влезат на теренот.
Сепак, брзата реакција на вардаровите фудбалери и обезбедувањето, спречен беше поголем инцидент. На крај актерите на теренот си подадоа рака и заминаа во соблекувалните.
