• Горан Упале
Фудбалерите на Реал Сосиедад конечно ја прекинаа серијата без победа и по пауза од две години конечно слават во едно големо баскијско дерби против Атлетик Билбао во Примера. Во Сан Себастијан „сино-белите“ го надиграа лутиот ривал и ја продолжија низата триумфи во шпанскиот шампионат (3-1).
- Реал Сосиедад - Атлетик Билбао 3-1:
Резултатот пред полните трибини на „Реале Арена“ беше отворен во 25. минута, кога Александер Сорлот го совлада Унаи Симон, додека 12 минути подоцна Кубо погоди за комотни 2-0 за домаќинот. Пред крајот на полувремето Атлетик успеа да се врати во игра и Сансет намали на 2-1.
Сепак, во вториот дел Алварез направи глупост и заработи директен црвен картон, а Реал Сосиедад доби најстрога казна. Сигурен реализатор на ударот од единаесет метри беше Ојарзабал за крај на сите надежи на гостите и голема победа на својот тим (3-1).
Важна победа забележа и екипата на Осасуна, која што пред својата публика со минимални 1-0 го совлада составот на Мајорка.
- Осасуна - Мајорка 1-0:
Најзаслужен за триумфот беше младиот шпански офанзивец Аимар Ороз, кој гостинската мрежа ја стресе во воведните минути од вториот дел.
