• Горан Упале
Оле Гунар Солскјер нема работа веќе три години. По заминувањето од Манчестер Јунајтед едноставно не може да најде предизвик, кој би го задоволил и не сака по секоја цена да преземе некој клуб.
Сепак, понудите доаѓаат една по друга. Последната е од Бешикташ, клуб кој во април се раздели со Фернандо Сантош.
Солскјер во март призна дека не е подготвен да се врати на тренерската работа, ја одбил шведската репрезентација, но и понудите од Саудиска Арабија.
Она што е сигурно е дека тој нема да се врати во Англија, а Турција би можела да биде интересна дестинација, каде би можел да се бори за трофеи против Жозе Мурињо, новиот тренер на Фенербахче.
