• Мартин Танасковски
Екипата на Манчестер Сити конечно победи во Премиер лигата. По четири кола тимот на Пеп Гвардиола го доби Лутон на гостински терен (2-1) и тоа мораше да се помачи, затоа што славеше со пресврт.
- Лутон Таун - Манчестер Сити 1-2:
Аутсајдерот одолеваше на нападите на фаворитот, а пред крајот на првото полувреме Адебајо го искористи просторот кој му се даде и по асистенција на Таусенд донесе предност за дебитантот во елитата.
Реакцијата на Пеп Гвардиола беше навистина чудна за него, а на паузата сигурно имал што да им каже на неговите фудбалери затоа што веднаш видовме реакција. Во само три минути, Сити го сврти мечот кај Лутон. Стрелци беа Бернардо Силва и Џек Грилиш во 62. и 65. минута.
- Евертон - Челзи 2-0:
Евертон забележа голем триумф во битката за опстанок и му избега на Лутон, со домашна победа над Челзи (2-0). „Карамелите“ врзаа три важни победи, а оваа ја донесоа Дукуре во 54. минута и Добин во 92. минута од мечот на „Гудисон парк“.
- Фулам - Вест Хем 5-0:
На последниот меч во попладневниот термин Фулам го разби Вест Хем (5-0).
