ВИДЕО: Сити со моќен втор дел ја „скрши“ Црвена Звезда, Барса го растури Антверпен

Екипата на Манчестер Сити со победа ја започна одбраната на титулата во Лигата на шампионите. Англискиот гигант по пресврт славеше над Црвена Звезда со 3-1 и со тоа ги впиша првите бодови во групата Г, каде уште се натпреваруваат РБ Лајпциг и Јанг Бојс.

  • Манчестер Сити - Црвена Звезда 3-1:

На „Итихад“ гледавме лудо прво полувреме. „Граѓаните“ доминираа во секој аспект, испратија дури 22 удари кон голот на српскиот шампион, но на водство први се радуваа „црвено-белите“. Во самиот финиш од првиот дел Букари им побегна на домашните дефанзивци и погоди за изненадувачко водство на Црвена Звезда од 0-1. 

Сепак, само што започна вториот дел, работите си дојдоа на свое. Погодокот на напаѓачот на Црвена Звезда како да ги налути пулените на Пеп Гвардиола, кои во продолжение тргнаа моќно и експресно израмнија преку Алварез, на додавање на Халанд. Неколку минути подоцна по катастрофалната грешка на Глејзер, аргентинскиот ас реализира уште еднаш за пресврт и водство на Сити од 2-1. Точка на натпреварот стави Родри во 73. минута. Претходно, во рамки од оваа група РБ Лајпциг со сигурни 1-3 славеше на гостувањето кај Јанг Бојс.

Воведни три бода освои и екипата на Барселона. Каталонскиот гигант беше најубедлив вечерва и со 5-0 славеше на дуелот против Антверпен. Жоао Феликс, Левандовски и Батаил (автогол) погодија во првото полувреме, додека во второто Гави зголеми на 4-0, а Жоао Феликс со својот втор вечерашен гол ги постави конечните 5-0.

  • Барселона - Антверпен 5-0:

Во групата Х во Хамбург, екипата на Порто славеше на соочувањето со Шахтјор со 1-3. Галено во осмата минута донесе водство за португалскиот тим, но Келси експресно израмни. Сепак, до крајот на првиот дел Галено одново ја стресе мрежата на Ризник, а Тареми со својот прв гол оваа сезона стрелаше за 1-3.

  • Шахтјор - Порто 1-3:

Состави

Vladan Milojevic

4-2-3-1