• Горан Упале
Фудбалерите на Манчестер Сити без многу проблеми ја минаа и втората пречка во ФА Купот на Англија. Шампионот на Англија од гостувањето кај Бристол Сити се враќа со убедлива победа од 0-3 (0-1), доволна за пласман меѓу осумте најдобри во најстарото фудбалско натпреварување на Oстровот.
- Бристол Сити - Манчестер Сити 0-3:
Творци на победата на „граѓаните“ беа Фил Фоден со гол во првиот дел, додека во второто полувреме Фоден одново ја погоди домашната мрежа, а конечните 0-3 ги постави Кевин де Брујне во 81. минута.
- Фулам - Лидс Јунајтед 2-0:
Сигурна победа и пласман во четвртфиналето запиша и лондонски Фулам, кој пред својата публика славеше против Лидс Јунајтед со 2-0. Резултатот го отвори Палиња во 21. минута, додека за 2-0 се погрижи младиот Соломон, кој уште еднаш го потврди својот голем потенцијал и го постигна својот четврти погодок на последните четири натпревари на Фулам.
Меѓу осумте најдобри пласман обезбеди и тимот на Брајтон, кој славеше над Стоук (0-1), додека Лестер Сити разочара пред својата публика и со 1-2 загуби од Блекбурн.
