Сите помислија дека се скараа, но Керик всушност го спасуваше Куња од дополнителна казна!

Матеус Куња имаше бурна вечер на „Олд Трафорд“. Бразилецот постигна два гола во големиот пресврт на Манчестер Јунајтед против Рома (3-2), но во финишот заработи црвен картон, а по натпреварот влезе во непријатна ситуација со тренерот Мајкл Керик.

Куња беше најзаслужен за победата на „црвените ѓаволи“, откако во 83. и 86. минута двапати ја погоди мрежата на гостите и донесе пресврт по негативата од 0-2. Сепак, неговата вечер заврши неславно. Претходно доби жолт картон поради соблекување на дресот при прославата на голот, а во судиското продолжение заработи втор жолт картон поради прекршок и беше исклучен.

По последниот судиски свиреж, Бразилецот сакаше да им се приклучи на соиграчите во прославата на теренот, но Мајкл Керик го запре и го испрати кон соблекувалната. Куња очигледно не беше задоволен од реакцијата на тренерот, но се чини дека Англичанецот имал добра причина за таквиот потег.

Имено, според правилата на ИФАБ, фудбалер кој ќе добие црвен картон мора да го напушти просторот околу теренот и техничката зона и нема право повторно да се врати на теренот, дури ни по завршувањето на натпреварот. Во спротивно, може да се соочи со дополнителни дисциплински последици.

Токму затоа Керик реагирал и го спречил својот фудбалер да влезе на теренот. Иако Куња не ја прифатил најдобро неговата одлука, тренерот веројатно сакал да го заштити од дополнителни проблеми. По натпреварот, Керик имаше само пофални зборови за Бразилецот.

„Разочаран сум од начинот на кој заврши натпреварот за него, но тоа само покажува колку му е важно и колку е подготвен да даде за тимот. Кога е во такво расположение и игра на тој начин, токму затоа го сакаме во нашиот тим“, изјави Керик.

Така, наместо сериозен конфликт меѓу тренерот и фудбалерот, реакцијата на Керик најверојатно била обид да го спречи Куња да направи уште еден непотребен чекор по исклучувањето.

Состави

Мајкл Керик

4-2-3-1

    Џанпјеро Гасперини

    3-4-3