• Горан Упале
Луис Томас Буфон, синот на легендарниот Џанлуиџи, го одигра својот прв натпревар во Серија А - триесет години по дебито на неговиот татко.
Буфон јуниор влезе во игра во 77. минута на местото на М'Бала Нзола, во време кога натпреварот одамна беше решен. Болоња веќе водеше со 4-0, а натпреварот заврши со тој резултат.
Освен убедливата победа на домашниот тим, главната вест од натпреварот е токму сениорското деби на синот на легендата на италијанскиот фудбал, на кого му ја даде можноста поранешниот соиграч на неговиот татко од репрезентацијата - Алберто Џилардино. 17-годишниот Буфон јуниор е член на Пиза од 2023 година, играјќи како крилен напаѓач.
La dinastia Buffon continua, oggi il debutto in Serie A di Louis, il figlio di Gigi #BolognaPisa #Buffon #SerieAEnilive #DAZN pic.twitter.com/LUtxq5FbLf
— DAZN Italia (@DAZN_IT) October 5, 2025
Неговиот славен татко го одигра својот прв натпревар во Серија А, за Парма, кога имаше 17 години (и 295 дена), тоа се случи во ноември 1995 година, под водство на Неви Скала.
Луис е роден во брак со Чехинката Алена Середова, па оттука Луис играл за јуниорските категории на чешката репрезентација, но сè уште има право да игра за сениорките на Италија.
