• Горан Упале
Фудбалската репрезентација на Камерун со убедливи 3-0 го доби клучниот меч против Комори во квалификациите и обезбеди пласман во Африканскиот Куп на нациите.
Избраниците на холандската легенда Кларенс Сидорф одиграа извонреден натпревар, и заслужено патуваат на континенталното натпреварување, а по последниот судиски свиреж на славјлето му немаше крај.
Историскиот момент, Сидорф се реши да го овековечи на социјалните мрежи, откако објави видео на кое тој, неговиот помошник Патрик Клајверт и репрезентативците лудо прославуваат во соблекувалната. Секако, најголемото внимание го привлече токму селекторот, со неговиот необичен танц.
„Лавовите се вратија. Момците завршија голема работа и фер беше да им ги покажам моите танцувачки вештини“, напиша Холанѓанецот.
- Погледнете ја прославата во соблекувалната на Камерун:
Континенталниот собир се игра во Египет од 21 јуни до 19 јули, а круната ја брани токму Камерун.
- Сите учесници на Африканскиот Куп на Нациите 2019:
The 24 participants in the 2019 Africa Cup of Nations are finally revealed, did your country qualify to the 32nd edition? #TotalAFCON2019 pic.twitter.com/9dLxprwkQF
— CAF (@CAF_Online) March 24, 2019
