Супер Лига

Екипата на Тун е шампион на Швајцарија, а до крајот на шампионатот има уште едно коло. Во претпоследната рунда, Тун и Јанг Бојс одиграа неверојатен натпревар кој понуди 11 гола.

Македонскиот репрезентативец Езџан Алиоски постигна гол за победа на Лугано против екипата на Тун во швајцарската Суперлига.

Остануваат уште пет кола до крајот на швајцарското фудбалско првенство и би морало да се случи чудо за најголемата фудбалска бајка да нема среќен крај. Во игра се уште 15 бода, а Тун има предност од 14 во однос на второпласираниот Сент Гален, што значи дека му е потребен само еден бод од преостанатите натпревари за својата прва титула во 128-годишната историја на клубот.

Фудбалскиот клуб Тун е вистинска сензација оваа сезона во швајцарскиот фудбал, откако од новајлија во елитата се издигна до главен кандидат за шампионската титула. Тимот кој минатата година ја освои втората лига, сега доминира во Суперлигата и се наоѓа на чекор до историски успех. Пред почетокот на сезоната, речиси сите прогнози беа дека Тун ќе води тешка битка за опстанок. Наместо тоа, клубот од самиот старт испрати силна порака, отворајќи го првенството со четири победи во низа. Тоа беше само најава за она што следуваше, шокантни резултати и убедлива предност на врвот на табелата, и покрај скромните вложувања во споредба со конкурентите.