• Зоран Мишевски
Фаворитот Штутгарт се пласира во полуфиналето на Купот на Германија, откако вечерва го совлада Холштајн Кил со 0-3 (0-0) на гостински терен. Првото полувреме помина без голови, иако двете екипи имаа свои шанси, но во вториот дел Штутгарт го отвори резултатот со навремен гол.
Првиот гол на овој натпревар падна во 56. минута од слободен удар, Дениз Ундав ја погоди мрежата, иако центрираше (0-1). Овој резултат беше на сила до самиот крај, а потоа домашните останаа без опции, мораа да нападнат со сите сили и примија уште два гола. Фурхих им донесе 0-2 на гостите во 89. минута, а Давид Зец со автогол ги постави конечните 0-3.
Првиот полуфиналист е екипата на Баер Леверкузен, која вчера го совлада Сент Паули со 3-0. Во преостанатите натпревари од четвртфиналето се среќаваат Херта - Фрајбург и Баерн Минхен - РБ Лајпциг.
