• Горан Упале
Фудбалерите на Борусија Дортмунд со сигурна победа се вратија од репрезентативната пауза, откако во првиот натпревар од третата рунда во Бундеслигата со 4-2 го совладаа составот на Хајденхајм.
- Извештај од натпреварот:
Момците на новиот стратег на „милионерите“, Нури Шахин, својата задача ја завршија уште во првите 45 минути и на тој начин не дозволија нови кикс против Хајденхајм, откако минатата сезона двапати не успеаја да слават над овој ривал.
Свое шоу на „Сигнал Идуна Парк“ имаше младиот ас Адејеми, кој учествуваше во три гола на Борусија. При првиот запиша асистенција до Донел Мален, а потоа реализираше двапати и ја потврди одличната форма оваа сезона. За поразениот тим во листата на стрелците се запишаа Пиерингер и Бреуниг, додека во самата завршница конечните 4-2 ги постави Емре Чан.
Со оваа победа барем до утре, кога игра Баерн Минхен, Борусија Дортмунд со седум бода го презеде лидерското место на табелата, а Баварците имаат еден бод помалку.
