Шкупи подобар од Дрита во првиот летен тест

Македонскиот прволигаш Шкупи го одигра првиот тест-дуел за време на летните подготовки и со 2-0 (0-0) славеше над косовскиот првак Дрита.

По првиот дел без голови, чаирчани дојдоа до посакуваниот триумф пред својата публика која броеше околу 1.000 гледачи со погодоците на Омар Имери и Сухељ Муареми. 

Шкупи настапи во состав Зендели, Типуриќ, Кривањева, Ндонг, Бајрами, Сефо, Стојковски, Адем, Шабани, Илијоски и Велиу, а во игра влегоа уште Нухиу, Рамадани, Билали, Ондо, Љамчевски, Вујчиќ, Броја, Исмаили, Муарем, Муареми и Имери.