• Мартин Танасковски
Втората македонска фудбалска лига (ВМФЛ) ги понуди мечевите од осмото коло кои донесоа повеќе голови и неколку изненадувања низ терените во Македонија.
Дербито на денот се одигра во Тетово, каде Тетекс ја пречека Шкендија Арачиново. Мечот заврши со победа од 1-2 за гостинот предводен од Љупчо Марковски - Калц, а по првиот дел резултатот гласеше 1-1. Азис Јамини донесе предност за тетовчани, додека гостинот дојде до три бода и пресврт со головите на Фикрет Љиварека.
Златни три бода освои Осогово, кој во Кочани ја продлабочи резултатската мини-криза на струмичка Беласица, совладувајќи ја со резултат 3-1. За „жетварите“ погодија Владимир Жоглев двапати и еднаш Марио Симоски пред самиот финиш, единствен стрелец за струмичани беше Александар Милушев.
- Победа - Слога Виница 3-0:
Исто така триумф забележа и Победа со кој избега од дното на табелата, против Слога Виница, директниот конкурент во битката за опстанок. Мечот во Прилеп заврши со резултат 3-0, головите ги постигнаа Мохамед Ахмедов, Гоце Кузманоски и Виктор Крстевски кој си даде автогол.
- Вардар Неготино - Големо Коњари 4-0:
Убедлив беше Вардар Неготино, кој пред својата публика го доби Големо Коњари со 4-0. Стрелци на мечот беа Аделин Ќазимов, Ѓорѓи Шишков, Мартин Нејковски и Стојанче Камчев.
Триумф запиша и ГФК Охрид на гостувањето кај Новаци со резултат 1-0. Единствен стрелец на мечот беше Антонио Каланоски пред самиот крај на првото полувреме.
- Саса - Преспа 3-0:
Сигурна беше Саса од Македонска Каменица, против новиот второлигаш Преспа (3-0). Хет-трик во мрежата на противникот постигна најдобриот играч на „зелените“ - Тони Мичковски, сите голови беа во првото полувреме. Само мечот меѓу Кожуф и Детонит Плачковица заврши нерешено, со резултат 0-0.
Колото во ВМФЛ ќе се комплетира со дуелот меѓу Брегалница и Скопје кој во Штип ќе се игра под рефлектори (18:00 часот).
