• Иван Димовски
Македонскиот фудбалер Џихан Адили и во наредната сезона ќе го носи дресот на Шкендија Арачиново, откако клубот официјално потврди дека соработката меѓу двете страни е продолжена за уште една година.
Раководството на клубот изрази задоволство од постигнатиот договор, нагласувајќи дека Адили останува важен дел од тимот и во периодот што следува. Тој беше дел од тимот и во минатата натпреварувачка година, а со продолжувањето на договорот ја потврди својата верност кон клубот од Арачиново.
Станува збор за играч од средниот ред кој зад себе има искуство и од македонскиот и од косовскиот фудбал. Адили е производ на младинската школа на Шкупи. Во својата кариера настапува за Кораб, Беласица, Дреница, Кожуф, Брегалница и Шкупи, а од 2025 година е дел од Шкендија Арачиново.
