• Мартин Танасковски
Фудбалскиот клуб Шкендија Арачиново официјално ги претстави петте нови засилувања за претстојната сезона. Нови членови на тимот се Мартин Тодоров, Хадис Велии, Аритон Мехмед, Есмин Личина и Сумер Хасан.
Мартин Тодоров е десен бек, има 22 години, последен клуб му беше Тиквеш. Хадис Велии е искусен голман, има 36 години, а во мак-фудбалот се враќа од косовскиот шампионат. Сумер Хасан и Есмин Личина, двајцата играат како стопери, доаѓаат од Башкими, додека Аритон Мехмед е десно крило и настапуваше за Работнички.
Од клубот изразија задоволство од реализираните трансфери и им посакаа добредојде на новите фудбалери, со надеж дека ќе дадат значаен придонес во остварувањето на клупските цели во новата сезона.
