• Иван Димовски
Шкендија Арачиново во рамките на осмото коло на Втората македонска фудбалска лига ќе му гостува на Тетекс во Тетово.
Клубот преку социјалните мрежи ги информира своите навивачи и јавноста дека добиле дозвола од домаќинот за присуство на гостински фанови. Тие објавија информации околу натпреварот, а нагласија дека се очекува да имаат околу 400 поддржувачи во Тетово.
Оваа сезона Шкендија Арачиново иако е новајлија во ВМФЛ е во налет и целта е влез во елитата на мак-фудбалот. Поради тоа еуфоријата меѓу навивачите е голема и тимот секогаш ја има нивната поддршка.
Средбата меѓу Тетекс и Шкендија Арачиново ќе се одигра в сабота од 15:00 часот.
