• Иван Димовски
Фудбалерите на Елче и Севиља одиграа нерешено 2-2 во рамките на 20. коло на шпанската Примера. Домашниот тим беше на чекор до голема победа, но гостите од Андалузија се спасија во самиот финиш и си заминаа со вреден бод.
Елче одлично го започна натпреварот и поведе уште во 14. минута преку Фебас, а тоа беше и единствениот погодок во првите 45 минути. Иако Севиља имаше поголема теренска иницијатива, домаќинот знаеше како да ја задржи предноста.
На стартот од второто полувреме, Елче ја зголеми разликата, кога Валера погоди во 55. минута за 2-0 и се чинеше дека трите бода ќе останат за домаќинот.
- Извештај од натпреварот:
Сепак, Севиља не се предаде и прво преку Адамс намали на 2-1 во 75. минута, а во судиското надополнување доби пенал. Адамс ја презеде одговорноста и во 92. минута погоди од белата точка за конечни 2-2 и голем бод за гостите.
