• Зоран Мишевски
Олимпик Лион го совлада Авр со 4-2 на „Групама арена“ во натпреварот од 26. коло на Лига 1. И покрај отсуството на Пауло Фонсека од клупата, поради суспензијата што ќе го оддалечи од терените до декември, Лион делува разиграно. Поранешниот француски шампион е во победничка серија, иако изгледаше дека тимот од дното на табелата може да го изненади.
Александре Лаказет погоди од белата точка, но Авр преку Абдулаје Туре и Џошуа Касимир направи пресврт пред крајот на полувремето. Со својата офанзивна игра, Лион го натера гостинот да се повлече во вториот дел од натпреварот, но домаќините го најдат „клучот од бравата“. Грузиецот Микаутадѕе и Малик Фофана ги свртеа работите и Лион поведе со 3-1. Грузискиот фудбалер асистираше до брзиот Фофана за израмнување во 78. минута, а четири минути подоцна засилувањето од Мец постигна феноменален и многу тежок гол за водство на Лион.
Грузиецот Микаутадѕе е во одлична форма, но голот што го постигна е невообичаен. По ударот од корнер, топката се упати кон подалечниот дирек, тој од тежок агол ја зафати со десната нога и ја испрати во блискиот агол под гредата. Конечниот резултат го постави Тиаго Алмада со својот прв гол во новиот дрес во судиското надополнување, по уште една асистенција на Ѓоргес Микаутадзе.
Лион се искачи до третото место кое води во Лигата на шампионите и ќе се обиде да ја задржи оваа позиција до крајот на сезоната.
