• Иван Димовски
Ако ги следевте квотите на обложувалницата Mozzart Bet пред почетокот на Купот на африкански нации, можевте да се уверите дека најголеми шанси да стигнат до финалето им дававме на Мароко и Сенегал. Токму Лавовите од Атлас и Лавовите од Теранга покажаа најмногу на овогодинешниот турнир и заслужено изборија настап во неделното финале во Рабат.
Сенегал доминантно стигна до финалето, бидејќи ниту еднаш не мораше да игра продолженија. Паднаа Судан во осминафиналето, Мали во четвртфиналето и Египет во полуфиналето, а во тие три натпревари тимот на селекторот Папе Тиао прими само еден гол и тоа прилично неважен во дуелот со Судан. Во полуфиналето Египет на Салах беше решен со голот на Садио Мане во 78. минута.
Од друга страна, Мароканците исто така се во финалето, но нивниот пат беше значително понеизвесен. По победите над Танзанија во осминафиналето и Камерун во четвртфиналето, полуфиналистите на Светското првенство 2022 мораа во полуфиналето да одиграат 120 минути фудбал против Нигерија 0-0, а потоа избраниците на Валид Реграги подобро изведуваа пенали и првенствено благодарение на одбранетите пенали на Јасин Боно изборија пласман во финалето.
Сите квоти во MOZZART за натпреварот меѓу Мароко и Сенегал
Двете репрезентации ќе се борат за својата втора титула шампион на Африка во историјата. Мароко единствениот пат беше првак 1976 во Етиопија, а Сенегал 2022 во Камерун. За Мароканците ова е прв пласман во финале по 22 години и 2004 кога беа поразени од Тунис во завршната борба за пехарот. Сенегал ќе го игра своето четврто финале во историјата, а трето во последните четири Купа на нации. Претходно во финалињата загубија од Алжир 2019 и го победија Египет 2022. Сега повторно ќе се сретнат во борбата за пехарот со селекција од северот на континентот, но првпат против селекцијата домаќин.
Како и во полуфиналните натпревари, не треба да се очекува голем број голови ни во финалето. Двете селекции ќе бидат максимално претпазливи и впечаток е дека би било вистинско мало чудо доколку во борбата за пехарот видиме повеќе од два погодоци. Затоа предлагаме да ја одиграте комбинацијата од 0-1 гол во првото полувреме и од 0-1 гол во второто полувреме.
