• Саше Љолес
Шкотскиот великан Селтик официјално потврди дека Мартин О'Нил ќе остане менаџер на клубот и во сезоната 2026/27. Искусниот 74-годишен стручњак потпиша едногодишен договор, со можност за продолжување на уште една сезона.
О'Нил минатата сезона двапати се враќаше на клупата на Селтик и успеа да го предводи тимот до двојната круна, освојувајќи ги шампионската титула во Шкотска и националниот Куп. Токму тие резултати беа пресудни раководството да му ја довери функцијата на подолг рок.
Легендарниот тренер од Северна Ирска претходно го водеше Селтик од 2000 до 2005 година, период во кој освои бројни трофеи и го однесе клубот до финалето на Купот на УЕФА во 2003 година.
По потврдата на неговото останување, О'Нил изјави дека е мотивиран за нови успеси и дека ќе работи на дополнително зајакнување на тимот пред настапите во домашните натпреварувања и во Европа.
